Эрхэм хүндэт Өмнөдэлгэр сумын иргэд ээ, Та бүхэндээ энэ өдрийн мэнд хүргэж, эрүүл энх, аз жаргал, сайн сайхан бүхнийг хүсэн ерөөе. Өвөг дээдсийн минь өлгий нутаг, өв соёл, ухаан мэдлэг шингэсэн энэ сайхан нутгийнхаа хөгжил дэвшил, иргэдийнхээ амьдралын чанарыг дээшлүүлэхийн төлөө бид тууштай хичээн ажиллаж байна. Төрийн үйлчилгээг иргэдэд илүү ойртуулж, шударга, нээлттэй, шуурхай байх зарчмыг эрхэмлэн ажиллахыг зорьж байна. Сумынхаа хөгжил дэвшилд өөрсдийн хүч, оюун ухаан, хөдөлмөр зүтгэлээ зориулж буй Та бүхэнд талархал илэрхийлж, цаашдын ажил үйлсэд нь амжилт хүсье. Хамтдаа хөгжье, хамтдаа бүтээе! Эвтэй байхын өлзийтэй ерөөлийг өргөн дэвшүүлж, өрх бүрт аз жаргал, амар амгаланг хүсэн ерөөе!

Хүндэтгэсэн, Өмнөдэлгэр сумын Засаг дарга Рагчаабазарын Энхтөр